Su cursu, fatu in sighidura de su progetu "Terras de Marmilla, Linas e Campidanu" po s'annu 2024, est a in donu casi ca est pagau cun su dinai de sa Regioni Autonoma de Sardigna gratzias a sa Lei 482/99 e a sa Lei Regionali 22/2018.

Su cursu du fait professor Guido Cadoni e is letzionis anta arremonai de s'ortografia sarda e de sa storia de Sardigna. I letzionis facci a pari ant'essi arrichidas cun atras prus dinamicas fatas mein is cresias e atrus logus de interessu storicu-culturali de Seddori, arregallendi aici una esperientzia pratica po mellus connosci sa storia e s'ati sarda.

Su cursu est de 30 oras de letzioni chi si faint onnia merculis de is quatru a i ses de a merì de su 9 de abrili a s'11 de Lamparas 2025.

Podint partitzipai totus, mancai siant allenus, e a sa fini de su cursu, a chi at fatu assumancu 20 oras de letzioni, at essi donau unu atestau de partecipatzioni.

Is cursus de formatzioni funt importantis meda pofintzas po su traballu, giai ca su connosci su sardu imonis est una de is provas de is cuncursu publicus de sa Regioni Autonoma de Sardigna.

Po s'iscriri tocat a compilai su mollu chi s'agatat in basciu e a du mandai a sa mail a.zara@comune.sanluri.su.it, aintru de s'8 de Abrili. Su mollu fait a ci du potai pofintzas personalmenti a s'ufitziu cultura de seddori. Is ufitzius anta decidi chi fait a arricì iscritzionis arribadas apustis de s'8 de Abrili.

Po incumentzai su cursu serbint assumancu 15 personas iscritas.